NUUT: Boustene: 25 jaar se idees vir die toekoms

In Julie 1997 is ’n jong en relatief onervare Flip Buys aangestel as die hoofsekretaris van die destydse sukkelende Mynwerkersunie (MWU). Sedertdien is dié vakbond onder Buys se leiding nie net omskep tot ’n moderne supervakbond nie, maar meer as twintig afsonderlike organisasies het ook reeds daaruit voortgespruit. Buys is sedert die ontstaan van die oorkoepelende Solidariteit Beweging aan die stuur van dié omvangryke organisasie wat tans meer as 500 000 gesinne verteenwoordig.

Boustene: 25 jaar se idees vir die toekoms (onder redaksie van Wikus Buys en Paul Maritz) is pas by AfriForum Uitgewers (voorheen bekend as Kraal Uitgewers) bekendgestel. Dié boek bevat 25 hoofstukke deur verskeie leiers in en buite die Solidariteit Beweging, insluitende dr. Pieter Mulder (voormalige leier van die Vryheidsfront Plus), Chris Chameleon (sanger, akteur en liedjieskrywer) en dr. Dirk Hermann (bestuurshoof van Solidariteit). Die boek werp lig op die 25 jaar waarin Flip Buys, tans voorsitter van die Solidariteit Beweging, al ’n uitsonderlike bydrae as vakbond- en kultuurleier gemaak het. Dit lewer ook ’n hoopvolle bydrae tot die toekoms van die Afrikaner.

Besoek die uitgewer se veilige aanlyn winkel vir meer inligting.

Similar Posts