Onderneming in die Kollig: Kloek Klub

Dié week se kollig val op Kloek Klub in Rotterdam, Nederland.

Kloek Klub is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun.

Dink jy jou onderneming verdien tyd in die kollig? Vat die kans vandag en word deel van hierdie netwerk. Netwerke is nie net ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.

Meer oor Kloek Klub:

Kloek is ’n organisasie sonder winsbejag wat by die KVK geregistreer is (registrasienommer 84440775), met die doel om wins wat uit ons geleenthede gemaak word, te gebruik om mense in ons nabye omgewing te help. Ons bied geleenthede aan, gewoonlik in die vorm van ’n “high tea” of werkswinkel met ’n tema waar jy ’n nuwe vaardigheid kan aanleer of ’n nuwe ervaring kan beleef.  

Dit bied ’n platform vir vroue om hul talente te deel, mekaar te inspireer en nuwe idees te toets; selfs ook om mekaar te help om hul drome en ondernemings te laat groei. En die beste deel: 30% van jou bywoningsfooi gaan direk na die Kloekfonds om mense te help wat dit nodig het.

Dit is ons! Michelle Lintvelt en Nannette Thompson; beste vriendinne sedert hoërskool.

Ons het saam grootgeword, albei gestudeer om geöktrooieerde rekenmeesters te word en mekaar in 2018 na Nederland gevolg, met ons eggenote, twee hasies en twee worshonde op sleeptou. Ons saamgeflanste “familie” het intussen ook ’n pragtige babaseuntjie ryker geword. 

Kloek is baie jare gelede gebore toe ons veronderstel was om te leer, maar verkies het om uit te stel deur laatnaggeselsies oor hoe ons eendag die wêreld sou probeer verander.

Om meer uit te vind oor Kloek Klub en hoe jy kan betrokke raak besoek gerus hulle webtuiste.


Kontak vir Kloek Klub

Klik hier om Kloek Klub se webtuiste te besoek.

Klik hier vir Kloek Klub op AfriForum Wêreldwyd se Wêreldgids.

Similar Posts