Onderneming in die Kollig: Tara Barker Designs

Hierdie week se onderneming in die Kollig is Tara Barker Designs in Eccleshall, Engeland.

Tara Barker Designs is gratis op AfriForum Wêreldwyd se Wêreldgids gelys. Dié gids maak dit vir mense moontlik om Suid-Afrikaanse ondernemings in die buiteland te ondersteun.

Hallo, ek is Tara. Ek is ’n kreatiewe grafiese ontwerper met meer as sewe jaar ondervinding in die ontwerpbedryf. Ek werk saam met kliënte van alle groottes – van nuwe ondernemings tot goed gevestigde maatskappye.

Ek is gebaseer in Eccleshall, Staffordshire – ek het onlangs hierheen verhuis van Suid-Afrika af. Onthou altyd om die reis te geniet, maak nie saak in watter fase daarvan jy jou bevind nie!  
Om alles wat vir jou bekend is op te pak en na ’n ander kontinent te verhuis is nie vir sissies nie, maar die feit dat ek elke sekonde van die reis omarm en geniet het, het vir my die wêreld se verskil gemaak.

Ek het al aan ’n verskeidenheid projekte gewerk, soos logo-ontwerp, digitale en gedrukte ontwerpe sowel as uitnodigingontwerp. Ek is mal oor dit wat ek doen. Ek het ’n individuele benadering tot elkeen van my projekte – dit word goed deurdink, en deur insig en fokus op die teikengehoor lewer ek ontwerpe wat ’n impak het. As jou handelsmerk of onderneming dus ’n ontwerp kort met ’n unieke identiteit, of kommunikasie met trefkrag, kan ek dit lewer en ek sal graag van jou wil hoor!
​ Iets interessants oor my: Een van my gunstelingstokperdjies is om te verf en teken. Alhoewel dit meer ’n stokperdjie is, sal ek graag iets vir jou wil verf of teken – so vra my gerus meer hieroor.

AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n duisend ondernemings en kontakpunte.

Vat die kans en word deel van hierdie netwerk. Netwerke is nie net ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.

Weet jy van enige bemarking-en-kommunikasieondernemings of kreatiewe studio’s naby jou? Laat weet ons by wereldwyd@afriforum.co.za.

Similar Posts