Onderneming in die Kollig: Tarryn du Plessis Photography

Dié week se onderneming in die Kollig is Tarryn du Plessis Photography in Hampshire, Engeland.

Tarryn du Plessie Photography is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun.

My liefde vir fotografie het waarlik begin gedurende een van ons vele gesinsvakansies saam rondom Afrika. Ons was in Namibië en terwyl ek op die dak van my pa se Land Rover gestaan het toe hy kamp opgeslaan het, het ek ’n foto van die sonsondergang geneem.

Ek het na die sonsondergang gekyk deur die akasiabome met die mooiste vertoning van pienk, oranje en blou. Dit was met dié wat ek verlief geraak het op die vaslê van beelde wat met my hart praat.

Een van my eerste herinneringe van die neem van foto’s is toe ek omtrent 5 jaar oud was.

Ek het my ouers se mik-en-druk-kamera gevind – in die dae van film – en op loop gegaan met die neem van foto’s van my babapop.

Ek het die hele rol van 36 foto’s opgebruik. Verbeel jou my ouers se verbasing toe hulle die film laat ontwikkel het.

Daardie passie duur vandag nog voort deur die beelde wat ek vir my kliënte vaslê terwyl hulle hulself uitleef!

My dienste sluit in:

Troufotografie

’n Troue is meer as net ’n troue – dit is die nefie of niggie wat jy in jare nie gesien het nie, jou beste vriend, dit is die tannie van oorsee, die band met jou ouers – dit is al hierdie belangrike mense wat jou dag onvergeetlik maak, en watter beter manier om die belangrikste dag van jou lewe te onthou as met ’n trou-album.

Met foto’s wat vir die duur van jou troudag geneem word, laat ek jou storie skep en verseker dat daardie herinneringe nie verdof nie deur dit in ’n album te vertoon wat sal verseker dat dié dag vir nog baie jare onthou sal word.

Gesinsfotografie

Ons neem elke dag foto’s van ons kinders, maar hoe dikwels sien ons kinders daardie foto’s.

As deel van ons kinders se ontwikkelingsfase is dit voordelig vir hulle om hul gesin as ’n geheel te sien, en hulself as deel van die geheel uitgebeeld te sien.

Laat ek daardie band vir jou kind vaslê om na terug te kyk en deel daarvan te voel.

AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n duisend ondernemings en kontakpunte.

Vat die kans en word deel van hierdie netwerk. Netwerke is nie net ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.

Similar Posts