Was jou voorvader in een van dié kampe? Vind só uit!

Deur Ilze Nieuwoudt

Het jy al ooit gewonder of een van jou voorvaders dalk onder die 28 000 was wat gedurende die Anglo-Boereoorlog krygsgevange geneem is? Nou kan jy uitvind!

As deel van die Vasgevang!-projek bied AfriForum Uitgewers nou aan lesers die geleentheid om hul voorouers se betrokkenheid in die krygsgevangenekampe van die Anglo-Boereoorlog (1899-1902) na te spoor. Danksy die deeglike navorsing van die Oorlogsmuseum van die Boererepublieke en ’n databasis van die sterftes van Boerekrygsgevangenes in die Suid-Afrikaanse kampe (opgestel deur AfriForum Uitgewers), kan jy nou jou voorvader en ander voorsate wat in die Anglo-Boereoorlog geveg het, opsoek.

Soek jou voorouers op en vertel ons daarvan. Het jy enige interessante stories oor hul verblyf in die kampe? Deel dit ook gerus op dié platform.

Drie feite oor die Suid-Afrikaanse krygsgevangenekampe:

1.

Gevangenes is oorspronklik op skepe in die hawe by Simonstad aangehou en die eerste gevangenes is reeds in November 1899 hierheen gestuur.

2.

Die eerste kampe (op land) is in Groenpunt en Simonstad ingerig. Later het kampe ook in Ladysmith en Durban tot stand gekom.

3.

Nagenoeg 28 000 Boere is tydens die oorlog in dié kampe aangehou en die meeste van hulle is toe na die 31 buitelandse kampe gestuur.

Similar Posts